Loading... आजः बुधवार, मंसिर २५, २०७६/ Wednesday 11th December 2019 9:49 pm

दाङमा नेकपाकी विमला वली विजयी

दाङ । प्रदेशसभा सदस्यका लागि दाङ क्षेत्र नम्बर ३ (ख) मा भएको उपनिर्वाचनमा नेपाल कम्युनिष्ट पार्टी (नेकपा) की विमला कुमारी खत्री (वली) विजयी भएकी छन् । नेकपाकी विमला ५ हजार १०४ मतान्तरले विजयी भएकी हुन् ।

आइतबार राती सकिएको मतगणना अनुसार वलीले २४ हजार २८६ मत प्राप्त गर्दा निकटतम प्रतिस्पर्धी नेपाली कांग्रेसका उम्मेदवार केशवराज आचार्यले १९ हजार १८२ मत प्राप्त गरेका हुन् । त्यस्तै साझा पार्टीका उम्मेदवार शिवकुमार चौधरीले २६६, राप्रपाका भूपाल रावतले २२५, समाजवादीका डिल्लीबहादुर डाँगीले १५४ र राष्ट्रिय प्रजातन्त्र संयुक्तका छोटी लाल थारुले १३८ मत प्राप्त गरेका छन् ।

त्यस्तै नेकपा मालेका हरिप्रसाद डाँगीले १०३ र मंगोल नेशनल पार्टीका घनश्याम चौधरीले ९०, नेपाल लोकतान्त्रिक पार्टीका झरेन्द्र बहादुर खत्रीले २६, नेपाल मजदुर किसान पार्टीका सुरेश परियारले १५, राष्ट्रिय जनमुक्ति पार्टीका धनराज विश्वकर्माले ११, विपी कांग्रेस पार्टीका दिपक कुमार धितालले २ तथा स्वतन्त्रबाट टिकाराम आचार्यले ४ र गोविन्द केसीले २ मत प्राप्त गरेका छन् । ६८ हजार ७१९ मतदाता मध्ये ४५ हजार ७१८ मत खसेको थियो । ७९७ मत बदर भएको छ ।