Loading... आजः शुक्रवार, मंसिर २७, २०७६/ Friday 13th December 2019 7:02 pm

गजल

चिरञ्जीवी ढकाल

सम्मान दिँदा हेपिएको, बुझाई हुने भए ।
नातो किन जोड्नु, मुटुमा दुखाइ हुने भए ?

सुरक्षा निकाय पनि, किन पाल्नु पर्‍यो यार ?
सीमानामा शत्रुहरुको, रजाइँ हुने भए ।

किन बली चड्थे ति,पूर्खाहरु माटाको लागि ?
लाछीहरुकै इतिहासको, हाईहाई हुने भए ।

इतिहास पढ्ने छ जब, भोलीको दाईले तब,
के हिड्न सिकाउला, हत्यारो भाइ हुने भए ?

के काम भए त्यस्ता मित्र, छिमेकी देखावटी ?
साँढेको जुधाई, बाच्छाको मिचाई हुने भए ?

 

१३ मङ्सिर २०७६
नेपागन्ज–२० राँझा एयरपोर्ट, बाँके