चालु आर्थिक वर्षमा कर्णालीका १० जिल्लामा एक हजार ७९५ वटा साना उद्योग दर्ता भएका छन् भने त्यस्ता ४१० उद्योग खारेज भएका छन् । कर्णाली प्रदेशको उद्योग तथा उपभोक्ता संरक्षण निर्देशनालयका अनुसार आर्थिक वर्ष २०८०–०८१ मा दर्ता र नवीकरणको तुलनामा करिब एक चौथाइ हाराहारीमा उद्योग खारेज भएका छन् ।
सुर्खेतका १६६, जुम्लाका ८१, कालीकोटका ३७, सल्यानका ३५, दैलेख र जाजरकोटका २८/२८, रुकुम पश्चिमका २२, हुम्लाका ७ र मुगुका ६ वटा उद्योग खारेज भएका छन् । अधिकांश सामान्य बासको व्यवस्था भएका होटल, रेस्टुरेन्ट, कृषि फार्मजस्ता साना उद्योग खारेज भएका निर्देशनालयका सूचना अधिकारी थीरबहादुर श्रेष्ठले बताए ।
उद्योग खारेज नगरिएपछि अर्को उद्योग खोल्न नपाइने, धेरै जरिवानामा परिने भएकाले साना लगानीमा सञ्चालित उद्योग धमाधम खारेज भएका उनले बताए । गत आर्थिक वर्षमा एक हजार ७९५ वटा उद्योग नयाँ दर्ता भएका छन् भने दुई हजार ५५ वटा उद्योग नवीकरण भएका छन् । सल्ल्यानमा १३२ नयाँ र २३६ नवीकरण, जाजरकोटमा १५३ नयाँ र ८३ नवीकरण, रुकुम पश्चिममा १०० र ७४ वटा उद्योग नवीकरण भएका उक्त निर्देशनालयले जनाएको छ ।
मुगुमा १११ नयाँ र ५१ वटा नवीकरण, सुर्खेतमा नयाँ ६७१ र ९२१ वटा नवीकरण भएका छन् । जुम्लामा २०४ वटा नयाँ र २३७ वटा नवीकरण भएका छन् । दैलेखमा १५६ नयाँ र १५६ वटा उद्योग नवीकरण गरिएको छ । कालीकोटमा १२२ नयाँ उद्योग दर्ता र १३१ वटा नवीकरण भएका छन्भने डोल्पामा ९३ नयाँ र ७९ वटा नवीकरण, हुम्लामा नयाँ ५३ र ८७ नवीकरण भएका निर्देशनालयले जनाएको छ ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । कर्णाली