हिजो फागुन २८ गते अर्थात् सोमबार । शेर्पा समुदायको महत्वपूर्ण चाड, ग्याल्पो ल्होसार । सरकारले देशभर सार्वजनीक बिदासमेत दिएको थियो । बिदाको दिन सरकारी तथा गैरसरकारी कार्यालयहरु पूर्णरुपमा बन्द हुन्छन् । सरकारी कार्यालयका सवारी साधनहरु अनुमति नलिएर गुडाउनै मिल्दैन ।
सार्वजनिक बिदाका दिन सरकारी गाडी प्रयोगमा कानुनले रोक लगाएको छ । कार्यालय प्रयोजनमा चलाउनै पर्दा सम्बन्धित निकायबाट पास लिएर मात्र कुदाउँन पाइन्छ । तर बाँकेमा भने यसको पालना भएको पाइँदैन । सरकारी स्वामित्वमा रहेको नेपाल विद्युत प्राधिकरणका एक दर्जन गाडीहरु सोमबार सार्वजनीक बिदाका दिन होटल र रेष्टुरेन्टतिर कुदिरहेका थिए ।
सार्वजनीक बिदाका दिन नेपाल विद्युत प्राधिकरणका एक दर्जन गाडी बाँकेको राप्तीसोनारी–९, ढकेरीमा रहेका होटलहरुमा पार्किङ्ग गरिएका थिए । नेपाल विद्युत प्राधिकरण कर्मचारी संघ (आधिकारिक ट्रेड युनियन) लुम्बिनी प्रदेशले आयोजना गरिएको बनभोजमा मोजमस्तीका लागि ती गाडीहरु दुरुपयोग गरिएका थिए ।
ढकेरी पार्कमा आयोजना गरेको बनभोज कार्यक्रममा मोजमस्तीका लागि पुगेका विद्युत प्राधिकरणका कर्मचारी तथा ट्रेड युनियनका नेताहरुले पहेंलो नम्बर प्लेटका ती गाडीहरुको चरम दुरुपयोग गरेको पाइएको छ । उनीहरुले सरकारी स्वामित्वमा रहेको संस्थानका गाडीहरु दुरुपयोग गरेर सरकारी नियमकै धज्जी उडाएका छन् ।
नेपाल विद्युत प्राधिकरण कर्मचारी संघ (आधिकारिक ट्रेड युनियन) लुम्बिनी प्रदेश अन्तर्गतका कर्मचारी सामेल थिए । प्राधिकरणका कर्मचारीहरु पहेँलो नम्बर प्लेटको गाडीमा त्यहाँ सवार भएका थिए । तीनले सरकारी गाडी दुरुपयोग गरेका थिए । त्यो पनि एउटा–दुइटा होइन, करिब दुई दर्जन वटा । सार्वजनिक बिदाका दिन सरकारी गाडी प्रयोग गर्न पाइँदैन ।
अत्यावश्यक काममा चलाउँदा प्रमुख जिल्ला अधिकारीबाट अग्रिम पास लिनुपर्छ । तर प्राधिकरणका कर्मचारी पास नलिई सरकारी गाडी हाँकेर वनभोज खान पुगेका थिए । होटलमा पार्किङ्ग गरिएको गाडी कुरिरहेका चालकले प्रायः गाडीको पास रहेको दाबी गरे । तर ती गाडी चालकले पास हेर्न खोज्दा देखाउन सकेनन् ।
सरकारी स्वामित्वमा रहेको नेपाल विद्युत प्राधिकरणका बा १ ञ २२९५, बा १ ञ २३०४, बा १ ञ २४३८, बा १ ञ २४४०, प्र ३–०१–००१ ञ २५६५, बागमती प्रदेश ०१–००१ ञ २७८५, बागमती प्रदेश ०१–००१ ञ २७८७, बागमती बी एबी ८१६८, बागमती बी एबी ८५४२ नम्बरका जीप तथा कार र लु १ म २७४ नम्बरको मोटरसाइकल दुरुपयोग गरिएको हो ।
बाँकेमा नियम विपरित सरकारी कर्मचारीले बिदाको दिन बनभोजको निहुँ पारेर दर्जन बढी सवारीको दुरुपयोग भएको पाइएको हो । यसले सरकारी नियमको धज्जी मात्र उडाएको छैन, सरकारी सम्पत्तिको दुरुपयोग र फजुल खर्च पनि बढाएको छ । बाँकेमा प्राय कर्मचारी कार्यालय प्रमुखसम्मले सरकारी सवारी साधन दुरुपयोग गरेको भेटिन्छ ।
बिदाको समयमा सरकारी गाडी चलाउन पाँइदैन यदि चलाए पनि पास लिनुपर्नेमा प्राधिकरणका कर्मचारी तथा ट्रेड युनियनका नेताहरुले स्थानीय प्रशासनको अनुमति नै नलिएर सरकारी गाडी दुरुपयोग गरेको पाइएको छ । यस विषयमा नेपाल विद्युत् प्राधिकरण प्रदेश कार्यालय बुटवलका प्रमुख हरिप्रसाद पाण्डेसँग प्रतिक्रिया लिने प्रयास सफल हुन सकेन ।
समाचारको लागि
फोन : ०८१-५९०५०९, ९८५८०४००६४, ९८५८०७४२५०
Email : [email protected], [email protected]
विज्ञापनका लागि
Phone : ०८१-५९०५०९, ९८५८०४००६४, ९८५८०७४२५०
Email : [email protected]
अध्यक्ष-सम्पादक : काशीराम शर्मा
कार्यकारी निर्देशक : विष्णु सापकोटा
कार्यकारी सम्पादक : शोभा केसी
Copyright © All right reserved to Satyapati.com. Site By: Aarush Creation
Design : Aarush Creation
सत्यपाटी संवाददाता । बाँके