रुसबाट युक्रेनमाथि क्षेप्यास्त्रको वर्षा

 रुसले सोमबार फेरि युक्रेनमाथि क्षेप्यास्त्रको वर्षा गरेको छ । पछिल्ला दुई महिनामा रुसले आठौं चरणको क्षेप्यास्त्र वर्षा गराएको हो ।

सोमबारको आक्रमण पनि उर्जा तथा अन्य भौतिक संरचनामा लक्षित भए पनि चार जनाको ज्यान गएको युक्रेनले जनाएको छ । युक्रेनले कम्तिमा ७० वटा क्षेप्यास्त्र प्रहार गरेको जनाएको छ भने रुसले १७ वटा निशानामा प्रहार गरेको जनाएको छ ।

युक्रेनी राष्ट्रपति भोलोदिमिर जेलेन्स्कीले रुसी आक्रमणबाट छिमेकी मोल्दोभामा पनि विजुली आपूर्तिमा समस्या आएको बताउनु भएको छ । जेलेन्स्कीले रुसी आक्रमण युक्रेनमा मात्रै नभई त्यस क्षेत्रमै विस्तार भईरहेको दाबी पनि गर्नुभएको छ ।

रुसले नयाँ हमला गर्दैछ भन्ने हल्ला चलिरहेको बेला रुसभित्र वायु सेनाका दुई वटा आधार शिविरमा बम विष्फोट भएलगत्तै रुसले युक्रेनमाथि क्षेप्यास्त्र बर्षाएको हो । रुसले वायु सेनाका आधारमा भएको विष्फोटका लागि युक्रेनमाथि आरोप लगाएको छ ।

विष्फोटबाट तीन जना कर्मचारीको मृत्यु भएको र दुई वटा हल्काखाले विमानमा क्षति पुगेको रुसी रक्षा मन्त्रालयले जनाएको छ ।

प्रतिक्रिया

लोकप्रिय