राप्रपाले जित्यो ४ सिट, को कहाँबाट निर्वाचित ?

गत आइतबार भएको प्रतिनिधिसभा तथा प्रदेशसभा निर्वाचनको मतपरिणाम आउने क्रम जारी छ । निर्वाचनमा राष्ट्रिय प्रजातन्त्र पार्टी राप्रपाले हालसम्म ४ क्षेत्रमा जित हासिल गरेको छ ।

राप्रपाका अध्यक्ष राजेन्द्र लिङ्देनले झापा ३ बाट जित निकालेका छन् । उनले नेपाली कांग्रेसका कृष्णप्रसाद सिटौलालाई पराजित गरे ।लिङ्देनले ४० हजार ६ सय ४८ मत ल्याउँदा सिटौलाले ३७ हजार ३ सय ७२ मत मात्र ल्याए ।

जुम्लामा राप्रपाका ज्ञानेन्द्र शाहीले जित हासिल गरेका छन् । उनले माओवादीकी गोमा गौतम कुँवरलाई पराजित गरे । शाहीले २२ हजार ८ सय १९ मत ल्याउँदा गौतमले १९ हजार ९ सय ५९ मत ल्याइन् ।

त्यस्तै, बाँके क्षेत्र नम्बर २ मा पनि राप्रपाकै धवलशमशेर राणले जित हासिल गरेका छन् । उनले जनता समाजवादी पार्टी जसपाका मोहम्मद इश्तियाक राईलाई पराजित गरे । राणले २९ हजार ५ सय ७७ मत ल्याउँदा राईले २३ हजार ५ सय २० मत ल्याए ।

यसैगरी, मकवानपुर १ मा पनि राप्रपाकै दिपकबहादुर सिंह विजयी भएका छन् । उनले कांग्रेसकी महालक्ष्मी उपाध्यायलाई पराजित गरे । सिंहले २७ हजार ८ सय १६ मत ल्याउँदा उपाध्यायले २५ हजार ४ सय ३४ मत ल्याइन् ।

प्रतिक्रिया

लोकप्रिय