गंगाले पार्टी छाडेर स्वतन्त्र उम्मेदवारी घोषणा गरेपछि एमालेमा खैलाबैला

करिब दुइ साता पहिले गंगा सत्गौवा थारूले शान्ता चौधरीसँगको संयुक्त तस्वीर सार्वजनिक गर्दै क्याप्सनमा लेखेकी थिइन्, ‘दाङ क्षेत्र नं १ बाट आगामी संघीय चुनावमा हामीमध्ये जसले टिकट पाए पनि एक अर्कालाई सघाउने निर्णय गरियो ।’

तर विहीबार फेसबुकमा एक स्टाटस लेख्दै गंगा सत्गौवा थारूले टिकट नपाएपछि दाङ क्षेत्र नं.१ बाटै स्वतन्त्र चुनाव लड्ने घोषणा गरेकी छन् । उनले स्वतन्त्र उम्मेदवारी घोषणा गरेपछि एमालेमा खैलाबैला भएको छ ।

उनले भनेकी छिन्, ‘आज मैले ठीक निर्णय गरे या बेठीक, मलाई थाहा छैन । राष्ट्र र राष्ट्रियताको लागि म सधैं लागि रहनेछु । जनता भगवान हुन् जनता नै सर्वोपरि हुन् । देशलाई शिरमाथि राखेर आज स्वतन्त्र उमेदवार भएर जनताको बिचमा आउँदैछु । हजुरहरुको साथ चाहिएको छ ।’

उनले पार्टी छाडेपछि एमालेलाई कूलै धक्का लाग्ने छ भने त्यसबाट गठबन्धनलाई फाइदा पुग्ने आँकलन गरिएको छ । यसअघि थरूहट तराई पार्टी नेपाल तथा एमालेबाट गरी गंगा सत्गौवा दुइ पटक समानुपातिक सांसद भएकी थिइन् ।

प्रतिक्रिया

लोकप्रिय