विश्वभर ३ लाख ८३ हजार बढी संक्रमणमुक्त, मृतक कति ?

भर्खरै

काठमाडौं । विश्वभर पछिल्लो २४ घण्टामा साढे ४ लाख बढीमा कोरोना संक्रमण पुष्टि भएको छ ।

ओल्डोमिटरको पछिल्लो विवरणअनुसार ४ लाख ५० हजार ९८५ जनामा कोरोना संक्रमण पुष्टि भएको हो । हिजो शुक्रबार ३ लाख ३४ हजार १५६ जनामा कोरोना पुष्टि भएको थियो ।

आज अमेरिकामा ७८ हजार ८६३, बेलायतमा ४९ हजार २९८, रुसमा ३७ हजार १४१, टर्कीमा २८ हजार १९२, भारतमा १६ हजार ३३१ र ब्राजिलमा १४ हजार ५०२ जना कोरोना संक्रमित थपिएका हुन् ।

यही अवधिमा ३ लाख ८३ हजार ९२६ जना कोरोनामुक्त भएका छन् । सबैभन्दा धेरै अमेरिकामा ९७ हजार ६५० जना संक्रमणमुक्त भएका हुन् । त्यसैगरी टर्कीमा ३० हजार, बेलायतमा २८ हजार, रुसमा २५ हजार, भारतमा १७ हजार र ब्राजिलमा ९ हजार बढी एकैदिन निको भएका छन् ।

गत २४ घण्टामा ७ हजार ६२७ जनाको मृत्यु भएको छ । मृत्यु हुनेमा सबैभन्दा धेरै अमेरिकामा एक हजार ५३५, रुसका एक हजार ६४, भारतमा ६६६, ब्राजिलमा ४४७, टर्कीमा २२८ र बेलायतमा १८० जना रहेका छन् ।

यसअघि हिजो ४ लाख २८ हजार ३५ जना कोरोनामुक्त भएका थिए भने ४ हजार ८११ जनाको मृत्यु भएको बताइएको थियो ।

यससँगै विश्वभर कोरानाका कुल संक्रमितको संख्या २४ करोड ३७ लाख ४ हजार ४३२ पुगेको छ । तीमध्ये २२ करोड ८ लाख ३१ हजार १३४ जना निको भइसकेका छन् भने ४९ लाख ५२ हजार ८३१ जनाले ज्यान गुमाएका छन् ।