Loading... आजः ५ असार २०७८, शनिबार

कालोढुसी के हो, कस्ता मानिस जोखिममा ?

कालोढुसी के हो, कस्ता मानिस जोखिममा ?

काठमाडौं । कोभिड–१९ भएका बिरामीमा आँखा, नाक र अनुहार बिगार्ने कालो ढुसीको संक्रमण नेपालमा अहिले केही मानिसमा पुष्टि भएको छ ।

यो संक्रमण विरलै देखिन्छ तर संक्रमण गम्भीर भए प्राणघातक पनि हुन सक्ने भएकोले समयमा नै ध्यान पुर्‍याउनु आवश्यक छ । तर कालो ढुसी कोरोना संक्रमणजस्तो एक व्यक्तिबाट अर्को व्यक्तिमा भने सर्दैन ।

कालो ढुसीका सामान्य प्रारम्भिक लक्षणहरू

– अनुहार, मुख, नाक, आँखा वरिपरि दुख्ने ।

– ज्वरो आउने ।

– आँखा र नाक सुन्निने, रातो हुने वा दुख्ने ।

– आँखाको ढकनी सुनिने र ढकनी झुक्ने, आँखाले धमिलो देख्ने ।

– नाकबाट रगत बग्ने, बाक्लो सिँगान आउने ।

– दाँत दुख्ने वा हल्लिने ।

कस्ता व्यक्तिमा बढी जोखिम ?

– ४५ देखि ६५ उमेर समूह

– मधुमेह वा शरीरको रोग प्रतिरोधात्मक क्षमता कमजोर भएकाहरु

– धेरै खाले एन्टीबायोटिक वा स्टेरोइड औषधिको लामो समयसम्म प्रयोग गर्नेहरु

रोकथामका उपायहरु

– सफा र सुख्खा मास्क प्रयोग गर्ने, डिस्पोजेबल मास्कको पुनः प्रयोग नगर्ने

– नियमित रूपमा हात धुने वा स्यानिटाइजरको प्रयोग गर्ने

– व्यक्तिगत स्वच्छतामा ध्यान दिने

– घर बाहिर वा फोहरमा काम गर्नु परे डिस्पोजेबल पन्जाको प्रयोग गर्ने ।

– धेरै धुलो भएको र ओसिलो ठाउँमा नजाने ।

– नुनिलो पानीले नाक सफा गर्ने

– पोभिडोन आयोडिन भएको तरल पदार्थले घाँटी र मुख कुल्ला गर्ने ।

– जथाभावी स्टेरोइड र एन्टिबायोटिक प्रयोग नगर्ने ।

– मधुमेह भएका बिरामीले मधुमेह नियन्त्रणमा राख्ने ।

– स्वास्थ्यकर्मीको सल्लाहमा मात्रै औषधि प्रयोग गर्ने ।

साभार : स्वास्थ्य खबरपत्रिका’ पुस्तकबाट