Loading... आजः १ असार २०७८, मंगलवार

आज मौसममा केही सुधार, दिउँसो पछि धेरै ठाउँमा बादल लाग्ने

आज मौसममा केही सुधार, दिउँसो पछि धेरै ठाउँमा बादल लाग्ने

काठमाडौं । आज देशका धेरैजसो ठाउँको मौसममा केही सुधार आएको छ ।

पश्चिमी न्यून चापीय प्रणाली, दक्षिण–पूर्व भू–भाग नजिक रहेको पूर्व–पश्चिम फैलिएको न्युन चापीय रेखा तथा बंगालको खाडीबाट प्रवाह हुने जल वाष्पयुक्त हावाको प्रभावका कारण बितेका केही दिनदेखि देशभरको मौसम बदली भइरहेकोमा आज बिहान केही सुधार भएको मौसमविद् सजिना शाक्यले बताउनुभयो ।

तर आज पनि दिउँसो पछि देशका धेरैजसो ठाउँमा बादल लागेर केही ठाउँमा पानी पर्ने संभावना रहेको उहाँले बताउनुभयो । अहिले प्रदेश २ को धनुषा, महोत्तरी तथा प्रदेश १ को विराटनगर आसपास सहितका ठाउँमा पानी परिरहेको छ ।

प्रदेश १, प्रदेश २ र सुदूरपश्चिम प्रदेशमा आंशिक देखि सामान्य बादल लागेको मौसम पूर्वानुमान् महाशाखाले जनाएको छ । बाँकी ठाउँको मौसम सामान्यतया सफा रहेको छ ।

दिउँसो देशको प्रदेश नम्बर १, प्रदेश नम्बर २, वाग्मती प्रदेश र गण्डकी प्रदेशमा सामान्य देखि पूर्ण बदली र बाँकी भू–भागहरुमा आंशिक देखि सामान्य बदली रहने छ ।

केही ठाउँमा मेघगर्जन/चट्याङ्ग/हावाहुरी सहित हल्का देखि मध्यम पानी पर्ने संभावना रहेको महाशाखाले जनाएको छ । यस्तै राति प्रदेश १, प्रदेश २, वाग्मती प्रदेश र गण्डकी प्रदेशका केही ठाउँमा पानी पर्ने संभावना रहेको मौसविद् सजिना शाक्यले जानकारी दिनुभयो ।