Loading... आजः ३१ जेष्ठ २०७८, सोमबार
लुम्बिनीमा हलचल

बहुमत सांसदको हस्ताक्षरसहित लुम्बिनीको मुख्यमन्त्रीमा कुलप्रसादको दाबी

दुई सांसदले शंकर पोखरेलको साथ छोडे, लुम्बिनीमा एमाले सांसद पाण्डेले दिए राजीनामा
बहुमत सांसदको हस्ताक्षरसहित लुम्बिनीको मुख्यमन्त्रीमा कुलप्रसादको दाबी

बुटवल । नेकपा माओवादी केन्द्र संसदीय दलका नेता कुलप्रसाद केसीले ४२ सांसदको हस्ताक्षरसहित आफ्नो नेतृत्वमा नयाँ सरकार गठनका लागि प्रदेश प्रमुखसामू दाबी पेश गरेका छन् ।

प्रदेश प्रमुख धर्मनाथ यादवले एमाले संसदीय दलका नेता शंकर पोखरेललाई मुख्यमन्त्री नियुक्त गरेलगत्तै ४२ सांसदको हस्ताक्षरले केसीको नेतृत्वमा नयाँ सरकार गठनका लागि दावी पेश गरेका हुन् ।

यसमा सूर्य चिह्नबाट चुनाव जितेका स्वतन्त्र राजनीतिक समूहका कपिलवस्तु–२ (२) का धर्मबहादुर लाल श्रीवास्तव र पश्चिम नवलपरासी (२) का अजय शाहीले तथा साबिकको नेकपाका तर्फबाट दाङ ३ (ख)बाट निर्वाचित विमला केसीले पनि हस्ताक्षर गरेका छन् ।

‘हामी सूर्य चिन्हबाट निर्वाचित भए पनि दुई बुँदे सहमति गरेका छौं । त्यस आधारमा हामी स्वतन्त्र हौं’ अजय शाहीले भने, ‘सांसदबाट राजीनामा दिन्नँ । कारबाही प्रक्रिया अगाडि बढेमा अदालत जान्छौं ।’ हृदयेश त्रिपाठी र विजेशकुमार गुप्ता प्रतिनिधिसभा सदस्यमा निर्वाचित हुँदा शाही र श्रीवास्तवले लुम्बिनीमा प्रदेश सांसद जितेका थिए ।

त्यसबेला वाम गठबन्धनसँग स्वतन्त्र राजनीतिक समूहका रुपमा सूर्य चिन्हबाट चुनाव लडेका थिए । यस्तै नेकपा एमालेका लुम्बिनी प्रदेशसभा सदस्य दृगनारायण पाण्डेले राजीनामा दिएका छन् । कपिलबस्तु २ (क) बाट निर्वाचित पाण्डले सभामुखसामू राजीनामा पेश गरेको जानकारी दिएका छन् ।