Loading... आजः ३१ बैशाख २०७८, शुक्रबार

म्यानमारमा ८० प्रदर्शनकारीको मृत्यु, देश छाड्नेको संख्या बढ्यो

म्यानमारमा ८० प्रदर्शनकारीको मृत्यु, देश छाड्नेको संख्या बढ्यो

एजेन्सी । म्यानमारको बागो शहरमा सैन्य कू विरुद्ध भएको पछिल्लो प्रदर्शनमा सुरक्षाकर्मीले गरेको कारवाहीमा ८० भन्दा बढीको मृत्यु भएको छ ।

म्यानमारको समाचार आउटलेट असिस्टेन्स एशोसिएशन फर पोलिटिकल प्रिजनर्शका अनुसार शुक्रबार एकैदिन ८० भन्दा बढी प्रदर्शनकारीको मृत्यु भएको हो ।

सेनाले शवहरु आफै लगेकाले मृतकको यकिन तथ्यांक अझै पत्ता लाग्न नसकेको बताइएको छ ।

यंगुनकोे उत्तर पश्चिम क्षेत्रमा रहेको बागो शहरमा भेला भएका प्रदर्शनकारीमाथि सेनाले बिहानैबाट कारवाही गरेको थियो ।

म्यानमारमा जननिर्वाचत सरकारलाई अपदस्थ गरि गत फेब्रअरी १ मा सेनाले सत्ता हत्याए यता चर्किएको प्रदर्शनमा ६ सय १८ जनाको मृत्यु भैसकेको छ ।

सेनाले सत्तामा आफ्नो पकड कायमै रोक्न दमन थप बढाएको छ । यसैबीच म्यानमारमा जारी आन्दोलनमाबीच सयौं सर्वसाधारणले आफनो देश छोडेर पलायन भएका छन् ।

यता म्यानमारका अपदस्थ सांसदहरु र संयुक्त राष्ट्रसंघका लागि म्यानमारका राजदुतले सुरक्षा परिषद्का सदस्य राष्ट्रलाई म्यानमारको सेनाविरुद्ध कडा कदम चाल्न आग्रह गरेका छन् ।

राष्ट्रसंघको बैठकले भने म्यानमारलाई असफल राष्ट्रको संघारमा पुगेको भन्दै त्यहांको सैन्य नेतृत्वलाई चेतावनी दिएको छ ।