Loading... आजः ३१ जेष्ठ २०७८, सोमबार

बेनी–जोमसोम सडक मंगलबारसम्म बन्द

बेनी–जोमसोम सडक मंगलबारसम्म बन्द

म्याग्दी । बेनी–जोमसोम सडक शनिबारदेखि चार दिनलाई पूर्ण रूपमा बन्द गरिएको छ  । जिल्ला प्रशासन कार्यालय मुस्ताङका अनुसार सडक चैत १७ गतेसम्म बन्द हुनेछ ।

कालीगण्डकी करिडोरअन्तर्गत म्याग्दी–मुस्ताङ सीमाक्षेत्रको काप्रे भिर र मुस्ताङको थासाङ गाउँपालिका, ४ कैकुखोलानजिक सडक स्तरोन्नति गर्न भिर काट्नुपर्ने भएकाले चार दिनलाई बन्द गरिएको कार्यालयले जनाएको छ ।

काप्रे भिर र कैकु खोला खण्ड बेनी–जोमसोम ७६ किमी सडकको सबैभन्दा बढी जोखिमयुक्त एवं दुर्घटना भइरहने क्षेत्र हो । औपचारिक घोषणा नभए पनि गत पुस १९ देखि म्याग्दीको रघुगंगा–१ तिप्ल्याङ खण्डको भिर र अन्नपूर्ण गाउँपालिका–३ दानाको काप्रे भिर खण्डमा बिहान ७ देखि १२ बजेसम्म र दिउँसो २ देखि साँझ ६ बजेसम्म यातायात बन्द गरी सडक स्तरोन्नतिको काम भइरहेको छ ।