Loading... आजः २१ फाल्गुन २०७७, शुक्रबार
संवैधानिक परिषद्

संवैधानिक निकायमा सिफारिस भएकाहरूको शपथ आजै, तयारीमा राष्ट्रपति कार्यालय

निर्णय गरेको ४५ दिनपछि स्वतः नियुक्त हुने व्यवस्था
संवैधानिक निकायमा सिफारिस भएकाहरूको शपथ आजै, तयारीमा राष्ट्रपति कार्यालय

काठमाडौं ।  सरकारले संवैधानिक निकायमा नियुक्तको सिफारिस गरेका व्यक्तिहरूलाई शपथ ग्रहण गराउने तयारी गरेको छ । यसअघि संवैधानिक परिषद्ले विभिन्न संवैधानिक निकायमा ४६ जना पदाधिकारी नियुक्तिको सिफारिस गरेको थियो ।

राष्ट्रपति कार्यालय स्रोतका अनुसार संवैधानिक अंगमा नियुक्तको सिफारिस व्यक्तिहरूलाई आजै शपथ ग्रहण गराउने तयारी भइरहेकाे छ । सिफारिस भएका व्यक्तिहरूले राष्ट्रपति कार्यालयमा शपथ लिने भएका छन् ।

प्रतिनिधि सभा विघटन भएपछि अख्तियारदेखि मानवअधिकार आयोगसम्म नियुक्त भएका पदाधिकारीको सुनुवाइ भने हुन सकेको छैन । सुनुवाइ नभएपछि सरकारले निर्णय गरेको ४५ दिनपछि स्वतः नियुक्त हुने व्यवस्था छ ।

सोही व्यवस्था अनुसार सरकारले संवैधानिक निकायमा नियुक्त भएकाहरुलाई शपथ खुवाएर खटाउने तयारी गरेको हो ।