Loading... आजः ८ मंसिर २०७७, सोमबार

अमेरिकी राष्ट्रपतिमा बाइडेन विजयी, ह्वाइटहाउसमा रहने ट्रम्पको सपना चकनाचूर

अमेरिकी राष्ट्रपतिमा बाइडेन विजयी, ह्वाइटहाउसमा रहने ट्रम्पको सपना चकनाचूर

काठमाडौं ।  अमेरिकी राष्ट्रपतिमा डेमोक्रेट उम्मेदवार जो बाइडन विजयी हुनुभएको छ । यो विजयसँगै उहाँ अमेरिकाको ४६ औं राष्ट्रपति बन्नुभएको छ ।

निर्वाचन आयोगले औपचारिक घोषणा गर्न बाँकी भए पनि मत गणनाको पछिल्लो रिपोर्टहरुमा उहाँ विजयी हुनुभएको अमेरिकी सञ्चारमाध्यमहरुले जनाएका छन् ।

वर्तमान राष्ट्रपति एवं रिपब्लिकन उम्मेदवार डोनल्ड ट्रम्पलाई हराउँदै उहाँले राष्ट्रपति भवन ह्वाइट हाउसको यात्रा सुनिश्चित गर्नुभएको हो ।

अघिल्ला निर्वाचनमा रिपब्लिकनले जितेका राज्यमा विजयी ध्वजा फहराउँदै बाइडनले जीत निकाल्नु भएको हो ।

फक्स न्यूजका अनुसार बाइडनको पक्षमा २९० इलोक्टोरल मत पुगिसकेको छ । जबकी ट्रम्पका पक्षमा २१४ मत मात्र रहेको छ ।

बाइडनको जीतको घोषणा भइरहँदा त्यही पराजय ब्यहोर्नुभएका वर्तमान राष्ट्रपति ट्रम्पले भने कानूनी संघर्षमा जाने बताउनुभएको छ ।

अघिल्लो निर्वाचनमा ट्रम्पले जित्नुभएको एरिजोना, जर्जिया, पेन्सिलभानिया, विस्कन्सिन, मिचिगन जस्ता महत्वपूर्ण राज्यको इलेक्टोरल मत आफ्नो पोल्टामा पार्दै बाइडन राष्ट्रपति कार्यालय ह्वाइट हाउसको यात्रा निश्चित गर्नुभएको हो ।

अमेरिकी निवौचन प्रणालीअनुसार राष्ट्रपतिमा निर्वाचित हुन ५३८ मध्ये २७० इलेक्टोरल मत आवश्यक पर्दछ ।